化妝師淨係用貴價化妝品？當然唔係！其實化妝師用嘅化妝品唔一定好貴，有好多幾十蚊嘅化妝品都做到專櫃牌子嘅效果，甚至更好用、更易用！今次請專業化妝師Iris用大家介紹吓佢平時用開嘅化妝好物，幾十蚊就有交易，而且好易用，化妝新手都能輕易掌握！

Iris：「作為一個化妝師，每日工作都需要為自己化返個精神嘅妝容，有時出job做足成日，幫自己補妝嘅時間都冇；幫客人化妝就更加唔可以溶妝，所以我用嘅化妝品一定要持久，起碼要keep到大半日。以下係我平時用開嘅化妝品，性價比好高，仲好易用添！」

1. D-UP絲滑特濃防水眼線液

「眼線係不可缺少嘅一部份，對我嚟講，防水持久係最基本嘅要求，但用過好多隻眼線筆都唔夠持久，易溶之餘，仲好快化開哂！D-UP眼線筆就唔同，佢畫咗上眼皮之後係快乾㗎，仲係防汗、防油、防淚水，返到屋企落妝仲見到完整眼線，持久度驚人！」

「而且佢同一般市面上嘅眼線筆有一樣好大分別：一般嘅眼線筆畫出嚟都會有反光嘅效果，望落去一啲都唔自然；但D-UP畫出嚟條線係唔會有反光嘅效果，呢點令我surprise！而且D-UP眼線筆有三隻顏色選擇：黑色、深啡色、淺啡色，適合唔同場合嘅妝容！」

2. D-UP超級纖長睫毛膏

「除咗眼線筆，D-UP嘅mascara都令我有驚喜，好似呢隻超級纖長睫毛膏咁，基本上搽一層已經有自然纖長嘅效果。因為佢mix咗兩種唔同嘅纖維，所以好容易就做到纖長嘅效果，唔需要好似以前咁要塗三至四次，每次仲要等佢乾左先可以再塗，依家幫你減省左呢啲步驟。時間又慳左，效果依然喺度，真係好方便！防水防汗之餘，只需要用溫水輕易就可以卸除。其實之前要買一支咁好嘅眼睫毛液起碼要三百幾蚊，但依家$100就做到晒，荷包又可以慳返好多！」

3. D-UP迷人電眼雙眼皮貼

「如果客人係單眼皮或想令原本嘅雙眼皮更突出，我就會用D-UP雙眼皮貼幫佢哋痴雙眼皮，黏力好強好持久，而且材質好薄，痴喺眼皮就好似隱咗形咁，完全唔覺得有痴過眼皮貼。

綠色果款係單面雙眼皮貼，貼紙顏色係皮膚色，適合想加深原有雙眼皮嘅朋友！而藍色果款就適合單眼皮，佢兩面有都黏力，而且係透明材質。

用法簡單：透明膠貼上有一條虛線，拉開一邊再使用工具貼起雙眼皮貼，放上眼睛前可以量度一下位置先，多數係貼喺原有雙眼皮較高嘅位置，但緊記必須重疊本身嘅雙眼皮！」

「貼上在眼窩中間位置運用V字型工具輕輕撐起，等待上下眼皮完全緊貼後就完成！」

4. D-UP折式隱形無痕雙眼皮膠水

「趕時間嘅話可以用雙眼皮膠水，極速整到雙眼皮。D-UP ORISHIKI折式隱形無痕雙眼皮膠水嘅無痕效果簡直係同廣告講嘅一模一樣！只要將膠水搽喺眼皮上，乾咗之後就會出現雙眼皮，效果好自然，好似天生有雙眼皮咁！記得唔好搽太多膠水喺眼皮上，薄搽一層就OK；想雙眼皮效果更加深邃，可以等膠水乾咗之後再用包裝附送嘅造型棒篤吓條雙眼皮線。」

「我覺得D-UP雙眼皮膠水同其他牌子好唔一樣：一般嘅雙眼皮膠水吹乾咗再晾起眼皮後，會見到膠水嘅反光面，之後再上眼影會搞到啲顏色一撻撻；但D-UP雙眼皮膠水就唔會反光，之後上眼影完全唔使擔心有呢個問題！」

5. D-UP超強力假眼睫毛膠水

「化妝師成日幫客人痴假眼睫毛，而我每次都會用D-UP假眼睫毛膠水，因為佢黏力真係好強！有時做足成日野最驚假眼睫毛嘅眼頭眼尾蹺起，但用咗D-UP假眼睫毛膠水後就唔使擔心眼頭眼尾蹺起。用法好簡單：只需才取適量份量塗喺假眼睫毛根部中間位置，然後等待30至60秒，見到膠水由白色轉為透明色就可以貼上。如果冇變到透明色就貼上去，有機會影響假眼睫毛嘅黏貼效果唷！

除咗透明，D-UP假眼睫毛膠水仲有黑色選擇，可以加強眼線線條，令眼線位置更加突出。」

6. D-UP假眼睫毛

「唔止膠水，D-UP嘅假眼睫毛我都用咗好多年，款式齊全又多元化，適合唔同風格嘅妝容；而且佢係全手工製嘅假眼睫毛，材質一啲都唔粗糙，好似真睫毛咁自然！Model用緊嘅款式係Lash Me全黑色輕柔感假眼睫毛，令眼睛更圓更大。Model用完讚口不絕，因為整體出嚟嘅效果非常自然又帶有日本可愛風嘅效果，一啲都唔作狀！

想令假眼睫毛特別啲，可以用我手上嘅啡黑色假眼睫毛，入面有20%嘅啡睫毛加80%黑睫毛，效果都好自然！」